काठमाडौं (पालिका हब) । आगामी मङ्सिर ४ गते हुन गइरहेको आम निर्वाचनमा मुलुकको सफल लोकतान्त्रिक भविष्य, न्याय तथा मानव अधिकारको सुनिश्चितताका लागि कुनै पनि दबाब वा प्रभावमा नपरी हरेक पाँच वर्षमा एकपटक प्राप्त यस अवसरलाई आफनो बुद्दि र विवेकको प्रयोग गरी भ्रष्टाचारी, आपराधिक गतिविधिमा संलग्न भएका एवं न्याय तथा मानव अधिकार विरोधी उम्मेदवारलाई निरुत्साहित गर्नुपर्छ । स्वच्छ छवि भएका योग्य, इमान्दार तथा न्याय र मानव अधिकारप्रति प्रतिबद्ध उम्मेदवारलाई जनप्रतिनिधि चुनी मुलुकको सुदृढ एवं दिगो लोकतान्त्रिक भविष्य स्थापित गर्ने यो एक स्वर्णीम मौकाको सही सदुप्रयोग गर्नु पर्दछ ।
कानुनी छिद्रको फाइदा उठाएर हत्या, हिंसा,भ्रष्टाचार तथा अन्य गम्भीर फौजदारी आरोप लागेका तथा प्रमाणित भएका व्यक्ति पनि जनप्रतिनिधि बन्न विगतमा सफल भएका थिए । यसबाट नेपालको लोकतान्त्रिक अभ्यास सुदृढ नभई राजनीतिक विचलन, विसङ्गति तथा विकृति बढेको र अन्तर्राष्ट्रिय छविमा आँच पुगेको र दण्डहीनता मौलाउँदै गएकोले आगामी आम निर्वाचनमा यहाँहरुले आफनो अमुल्य मत त्यो उम्मेदवारलाई दिनुहोस् जोसँग सरलता, श्रेष्ठता, रचनात्मत्ता, सपना, योजना, नैतिकता,क्षमता,भरोषा, बैचारिक धरातल,सीप,कला, भावना,मित्रता,शिष्टता,आशा,भरोशा,जोश,जागर,र अनुभव छ । जसले परिवर्तन चाहान्छ, निरन्तरतामाथिको क्रम भंगता, बिकाश र समृद्धि चाहान्छ।
Discussion about this post