प्रथम खाँडादेवी गाउँपालिका वडा स्तरीय पुरुष भलिबल प्रतियोगिताको उपाधि ६ नम्बर वडालाई

काठमाडौं (पालिका हब)। रामेछापको  खाडादेबी गाउँपालिका वडा स्तरीय पुरुष भलिबल प्रतियोगिताको उपाधि ६ नम्बर वडाले  जितेको छ।

वडा दशैको अवसरमा असोज १९ गतेदेखि शुरू भएको उक्त खेलमा  नौ वटा टिमहरू सहभागी रहेका थिए।  ६ नम्बर वडाले सोझो सेटमा पराजित गर्दै उपाधि चुमेको हो।

त्यस्तै  वडा नम्बर ८ द्वितीय र वडा नम्बर ७ तृतीय स्थान हात पारेको छ भने  सान्तवना पुरस्कार वडा नम्बर ९ ले जितेको छ।

प्रतियोगिताका बिजेताले क्रमश : एक लाख रुपैयाँ र प्रमाणपत्र, सह बिजेताले ६० हजार रुपैयाँ र प्रमाण पत्र, तृतीय पुरस्कार ४० हजार रुपैयाँ र प्रमाण पत्र प्राप्त गरेका छन् भने सान्तवना पुरस्कार स्वरूप २० हजार रुपैयाँ र प्रमाणपत्र प्रदान गरिएको थियो।

खाँडादेवी–६ माकादुमका वडाध्यक्ष नारायण कार्कीको प्रमुख आतिथ्ययतामा उद्घाटन भएको सो प्रतियाेगिताको सहप्रायोजन सरस्वती युवा क्लब, माकादुम युवा एकता समाज, लोकतान्त्रिक युवा बचत समूह, श्री पर्यटन व्यवसायीक सहकारी संस्थाले गरेको हो।

प्रतियोगितमा बिजेता हुने टिमका खेलडीहरूलाई समापन समारोहका प्रमुख अतिथि खाडादेवी गाउँपालिका प्रमुख ज्ञानकुमार श्रेष्ठ, वडा नम्वर ६ का अध्यक्ष नारायण कार्कीले पुरस्कार वितरण तथा वधाई ज्ञापन गरेका थिए।